Tipula txiki bat eta hiruzpalau berakatz txiki txiki egin. Oso txiki.

Jarri ontzi zabal batean (harrizkoa bada hobe) olio apur bat su txikian. Bota bertara tipula. Hura apur bat goxatutakoan, bota berakatza. Azken hau gorritzen hasitakoan, bota irin apur bat (goilarakada txiki bat).  Segituan, txanpinoiak. (Aurrez garbituta, txortena erditik moztuta eta lau zatitan zatituta).

Bixi punttu bat eman nahi izanez gero, bota pipermina.

Txanpinoiek ur ugari botako dute. Tapa jarri eta irakin dezala orduerdi inguru.

Txanpinoiak bigundu eta ilundutakoan, eta saltsak gure gustuko  loditasuna duenean, itzali sua.

Argazkiak.org | Txanpinoiak saltsan © cc-by-sa: zipriztin

Sukaldean eskura izateko errezetak:

Sarrerakoak:

- Txanpinoiak saltsan

Entsaladak:

Haragiak:

- Untxia saltsan

Arrainak:

Postreak:

- Greziar moussea

Tipula, piper berde, azenario eta porrua, txikitu eta sutan jarri. Biguntzen hasitakoan, bota bertara untxia, zatitua, eta hura ere gorritu. Untxia bota berritan, koñak apur bat bota eta eman su.  Alkohola agortutakoan itzaliko da sua. Salda edo ura gehitu ondoren. Egon dadila bor-borrean ordubete pasa, haragia bigundu arte.

Argazkiak.org | Untxia saltsan © cc-by-sa: zipriztin

Postre hotz eta gozoa. Egiteko erraza.

Greziar erako jogurtak hartu. Bazkalkide adina jogurt. Kasu honetan 4.

Bota ontzi batera jogurt denak. Hauei bota potetxo bat esne kondentsatu, edalontzi txiki bat esne eta limoi baten zukua. Nahastu dena irabiagailuarekin.

Aukeratu mermelada gorri bat (marrubizkoa, franbuesazkoa...). Jarri sutan, bota ur apur bat eta dena ongi nahastu. Irakinarazi, apur bat kontsumitu dadin baina hasieran zegoena baino likidoago utziz. Findu nahi izanez gero (pepitarik eta gera ez dakion) pasa koladore batetik.

Edalontzi zabal batzuen hondoan bota mermelada. Haren gainetik, jogurtarekin egindako nahasketa. Mermelada likidoxamar utzi baduzu, igo egingo da bazterretatik nahasketaren presioarekin. Sartu hozkailuan, jateko unea heldu arte. Pare bat ordu nahikoa dira.

Dotore geratuko da.